Vi fekk gladmeldinga i forrige veke om at Sparebankstiftinga i fylket igjen har løyvd midlar til oss. I fjor fekk vi 150.000 til grillhytte. I år fekk vi eit likelydande beløp til bygging av bruer ut over holmane frå stranda. Vi er svært takksame for gåva, og vil freiste å få så mykje bru av pengane som råd er. Truleg vil vi klare å få til den første brua for desse midlane. Etter våre kalkyler treng vi 100.000 til for å få den neste brua opp også. Er det ei bedrift der ute som ønskjer å få namnet sitt på den, så er den hjarteleg velkommen.

For meir informasjon sjå heimesida vår, eller ta kontakt på tlf: 920 45 505

Kvar torsdag kl 18.00 er det dugnad på Sørstrand. Ta med deg arbeidshanskar og ta del i rydding av greiner og anna førefallande arbeid. Vi treng mange hender i arbeid om vi skal få rydda alt til sommeren kjem.

Terøy har byrja med grusinga av vegar og kaiområde. Han ventar på meir stein som skal omkranse stranda og avgrense den mot sjøsida.

I midten av juni kjem lektaren som skal sprøyte eit 30 cm lag med skjellesand inn i den tørrlagde delen av stranda og i volleyball bana mot vest. Før den tid vil alle delar av stranda få eit gruslag som gjer at ein kan bruke stranda.

Vi håper på midlar til å kunne ferdigstille prosjektet, og vil utfordre både store og små bedrifter om å melde seg. Vi treng dykkar støtte, og eit betre prosjekt å støtte skal ein leite lenge etter!

For meir informasjon sjå heimesida vår , eller ta kontakt på tlf. 920 45 505

Jan Henrik Nygård held fram som styreleiar
I konstituerande styremøte den 15. april vart Jan Henrik Nygård gjenvalt til styreleiar for 2 nye år. Sigmund Frøyen vart gjenvalt som nestleiar. Øvrige styremedlemmar er Magne Hovland, Audhild Teigen og Eirik Rostad Ness.

Årsmøtet i Sørtrand Folkepark valde følgjande styremedlemmar for 2 år: Jan Henrik Nygård, Sigmund Frøyen, Magne Hovland og Audhild Teigen (Eirik Rostad Ness stod ikkje på val). Som varamedlemmar vart Tor Solheim-Olsen og Sturle Sunde valt for 2 år. Til å leie Jonsok-komiteen vart Jan Nygård valt. Til å skipe Aktivitetspark-prosjektet vart Sturle Sunde valt.

Trasig ulykke på Sørstrand
Fredag i påskehelga var ein turgjengar svært uheldig og fall ned i ein bunkers på området aust for grillhytta. Vedkommande glei på utrygge strøplankar nytta som provisorisk sikring av utkikkspunktet. Resultatet vart bl.a. brot i ankelen og utslåtte tenner. Vi har i ettertid sikra staden betre, men vil gjerne åtvare folk om å vise varsemd på dei gamle krigsminna.

Ver varsam når du ferdast på Sørstrand
Anleggsarbeidet på stranda begrensar den frie ferdselen og somme stadar er det direkte farleg å bevege seg. Vi ber den enkelte om å vere varsam og halde avstand. Ungar bør ikkje ferdast på stranda utan i følgje med vaksne.

For meir informasjon om Sørstrand Folkepark besøk heimesida vår:)

Velkommen til dugnad torsdag 12. april kl 18.00. Vi har mykje godt forefallande arbeid å ta tak i. Grusing, spreiing av jord, reinsking av greiner, kapping av krattskog, drenering mv. Vi møtes ved grillhytta, der vi også fyrar opp grillen om veret tillet det. Godt arbeidstøy og ulik hagereiskap kjem godt med. Sett av torsdagane framover til mykje herleg fysisk aktivitet og sosialt samvær.

For meir informasjon om Sørstrand Folkepark besøk heimesida vår:)

Vi held grillhytta open i helgane. Legg turen innom om du treng å varme deg, ta ein kopp kaffe, smake på kakene, eller berre nyte roen. Skriv du ei lita helsing i hytteboka og ryddar etter deg, så er vi godt nøgde.

Velkommen til årsmøte i Sørstrand Folkepark torsdag 29. mars 2012 kl 19.00 i kafeen på Kystmuseet. Det blir enkel servering. Årsmøtesaker: Godkjenning av årsmelding og regnskap for 2011, planar og prioriteringar for 2012, innkomne saker og val. Forslag til saker må vere styret i hende seinast 16. mars 2012, og kan sendast til epost: sorstrand@gmail.com. For meir informasjon, besøk heimesida vår.

Aktivitetsjungelen som DNB-Stiftelsen støttar med 250 000, blir del av ein park med ulike aktivitetar for liten og for stor. Parken er meint å ligge på begge sider av vegen (som vart vøla i haust) fram til Grillhytta.

Til å utvikle parken treng vi eldsjeler som ønskjer å vere med i utforming og gjennomføring. Desse eldsjelene kan vere lag eller einskilde som brenn for å skape aktivitet i nærmiljøet. Lag som speidaren og 4H ser vi på som naturlege samarbeidspartnarar, likeeins barnehagen og skulen.

Vi ser føre oss ein prosjektorganisasjon med mandat om å fylle parken med innhald og stå for gjennomføring. Ta kontakt med oss på epost eller telefon, enten du har tips eller ønskjer å delta.

For meir informasjon om Sørstrand Folkepark, besøk heimesida vår:)

Søndag 8. januar:

.
Ein vakker vinterdag, sol og stille. Svært mange benytta godværet til ein tur på Sørstrand. Her er nokre som griller og koser seg på stranda.
.
.

Og to som har funne seg ein fin utsikt over Brufjorden mot Stavøya.

For meir informasjon om Sørstrand Folkepark, besøk heimesida vår.

Sørstrand Folkepark har konkrete planar for oppgradering av badestranda på Sørstrand. Du finn teikningar på heimesida som viser korleis stranda vil sjå ut etter ei ansiktsløfting. Dette er eit løft til glede for ein heil by og skal etter planen stå ferdig til Jonsok 2012. Vi treng pengar for å kunne realisere planane, og vil utfordre både privatpersonar og bedrifter om å støtte oss gjennom vinteren med pengegåver. Vi har gode eksempler til etterfølging, der lokale bedrifter har gjeve kr 5000 til foreininga. Vi oppfordrar fleire til å gjere likeeins!

Meir informasjon om utviklinga av Sørstrand Folkepark finn du her:

Eller du kan sjekke heimesida vår:)

Vi fekk gladmeldinga denne veka om at årsmøtet i Industri Energi Ewos vedtok å løyve kr 5000 til Sørstrand Folkepark. Det set vi utrolig stor pris på, og håper at andre bedrifter let seg inspirere til å gjere likeeins. Vi treng kvar krone vi kan få til oppgradering av stranda og området rundt.